aming aminoedhin
NDHUK ANAKKU WADON
* mira aulia alamanda
ndhuk, anakku wadon sing ayu dhewe
dadi wong wadon iku kudu
suci uni, suci rupi, lan suci ati
amarga donya wis menehi tandha
akeh wong wadon lambene bengak-bengok
akeh wong wadon matane plerak-plerok
akeh wong wadon aten-atene bosok
lungguh methothok mlaku ora ndedelok
kabeh iku aja mbok tiru, anakku
ndhuk, anakku wadon, delengen ing tawang ika
mbulan ora werna abang mbranang
lintang-lintang ora gelem gumebyar
lan srengenge kaya ngece-ece
mula iku omonga sing apik
dandana sing resik
mlakuwa sing becik
ing ngalam donya
ndhuk, anakku wadon sing ayu dhewe
goleka dalan swarga liwat tetep madhep
lan manteb terus dhedhepe marang Gusti
Canggu, 2003
3 komentar:
bisa juga Aming bikin puisi basa jawa...dan isinya mantap!
berapa kali aku nulis dan diposkan ke komentar tapi sudah berulangkali tidak bisa masuk, atau sudah masuk tetapi hanya Aming saja yang bisa membacanya?
lho aming kan penyair dan penggurit. penyair tukang gawe puisi, nek penggurit gawe guritan. ampuh ta?
Posting Komentar